संत जनाबाईंची मानसहोळी

 

संत जनाबाईंची मानसहोळी

कराया साजरा |

होलिकेचा सण |

मनाचे स्थान |

निवडिले ||

ऐसे ते स्थान |

साधने सारवले |

भक्तीने शिंपिले |

केले सिद्ध ||

त्या स्थानी खळगा |

समर्पणाचा केला |

त्यात उभा ठेला |

अहंकार एरंड ||

रचलीया तेथे |

लाकडे वासनांची |

इंद्रीय गोवऱ्याची |

रास भली ||

गुरुकृपा तैल |

रामनाम घृत |

अर्पिले तयात |

ऐसे केले ||

रेखिली भोवती |

सत्कर्म रांगोळी |

भवरंगाचे मेळी |

शोभिवंत ||

वैराग्य अग्नीसी |

तयाते स्थापिले |

यज्ञरूप आले |

झाली कृपा ||

दिधली तयाते |

विषय पक्वान्नाहुती |

आणिक पुर्णाहूती |

षड्रिपु श्रीफळ ||

झाले सर्व हुत |

वैराग्य अग्नीत |

जाणावया तेथ |

नुरले काही ||

वाळ्या म्हणे जनी |

व्हावी ऐसी होळी |

जेणे मुक्तीची दिवाळी |

अखंडित ||🙏

बोलावे ऐसे..

 

बोलावे ऐसे, न व्हावे जे रटाळ, 🥱

 नेमकेच वदावे, का ठरावे वाचाळ !! 🤬

 

लिहावे ऐसे, मांडावा मतितार्थ, 🎯

 कमी,अचूक शब्दांत, उतरवावा अर्क !! 💧

 

ऐकावे ऐसे, की समजून घ्यावे,😊

 प्रतिक्रिया टाळुनी, प्रतिसादा द्यावे !!😇

 

वर्तावे ऐसे, जे बोलू ते चालावे, 😎

 गदारोळ टाळुनिया, जगा शांतवावे !!😇

 

ऐसे गुणदर्शने, जनी जनी वाढितो सन्मान,🙌🏽

अपेक्षित फलश्रुती,अपेक्षित परिणाम !!🎯

 

- रुपाली

सिग्नलवरची दिवाळी ...

पुन्हा एकदा दीपावली, रोषणाई, खरेदी,फराळ आणि आप्त,

या सगळयात रममाण असतानाही, मनात थोडीशी असते खंत !

आठवतात तेव्हाही, सिग्नलवर भटकून आकाशदिवे,पणत्या विकणारी मुले,

काय करत असतील ते, जेव्हा फटाके उडवितात आपले  चिमुकले ? 

सिग्नल लाल होईपर्यन्त, नजर त्यांची  न्याहाळत असते आकाशातील रोषणाई,

एकमेकांना दाखवायची असते त्यांना, आपण पाहत असलेली नवलाई !!

पुन्हा सिग्नल लाल, पुन्हा फिरफिर, भरकटलेली नजर मात्र अवकाशात,

हे सगळे नाही उतरत, वातानुकूलित, काचबंद वाहनातील मनांत !!       

आजतरी थोडावेळ नशिबाने द्यावी ना त्यांना थोडी उसंत?

थोडे उजळावे त्यांचेही चेहरे, थोडाकाळ मिटावी त्यांचीही  भ्रांत !!

दिसतो एखादा अनामिक चेहरा, एखाद्याचे जागृत मन, 

फराळाची पाकिटे आणि फटाके, त्यांना वाटणारा एखादाच जण !!

त्यांच्याही अंधारलेल्या चेहऱ्यांवर, उजळत जाते मग दिवाळी पहाट, 

'चूक-की-बरोबर'च्या हिशेबात न पडता, मीही पकडते तीच  वाट !!      

- डॉ.  रुपाली दिपक कुलकर्णी  

विसर्जन ?

जो सुखकर्ता, दुःखहर्ता, लंबोदर,

जो अनंत,सर्वव्यापी,सर्वदूर,

ज्याच्यासाठी वाहतो भक्तीचा पूर,

जो आमच्या जगण्याचा असे सूर  !! 

भक्तांच्या मनी अधिष्ठित गजानन,

त्याचे काय संभव  विसर्जन ?

संकल्प घ्यावा  त्यास आज प्रार्थून,

मीपणा आणि अहंभावाचे, करितो आज  विसर्जन !! 🙏🏼

- रुपाली

वाकळ

संत जनाबाईला दळण—कांडणात मदत करणारा पंढरपूरचा पांडुरंग, परत जाताना त्याचा शेला विसरतो व चुकून तिची वाकळ घेऊन जातो, ह्या प्रसंगावर मराठवाड्यातील ज्येष्ठ कवी दिवंगत श्री. दि. इनामदार ह्यांनी लिहिलेली एक "वाकळ" नावाची सुंदर कविता वाचनात आली. ती आपणांसाठी सादर.

पीठ शेल्याला लागले, झाला राऊळी गोंधळ

कुण्या घरचे दळण, आला दळून विठ्ठल

पीठ चाखले एकाने, म्हणे आहे ही साखर

पीठ हुंगले दुज्याने, म्हणे सुगंधी कापुर

कुणी शेला झटकला, पीठ उडुन जाईना

बुचकळला पाण्यात, पीठ धुऊन जाईना

झाली सचिंत पंढरी, वाढे राऊळी वर्दळ

ठिगळाच्या पांघरुणा, शेला म्हणती सकळ

फक्त जनीस दिसते, होती तिची ती वाकळ 

विठ्ठलप्रेमे भरून आले , जनी रडे घळघळ ...

-------------------------------------------------------

श्री विठ्ठलार्पणमस्तु! 🙏🏼

चित्रकाव्य : कौलारू घर

 

असावे सुंदर 👌🏽

कौलारू घर 🏠

आणि सभोताली 😇

आप्तांचा वावर 👨‍👩‍👧‍👧

लाल अंगणी साजिरे 🏡

शोभे भरदार वृंदावन 🍃

चाफा, जास्वंदी , मोगरीने 🥀🌺

सतत धुंदाविते मन  😊

नारळी, केळी,पोफळीची 🌴🌴

छपरावरी चामर 

दारी उभे स्वागताला 😊

आंबे, फणस तत्पर 🙏🏼

दरवळ भोजनाचा 

रांधे सुगरणीचा हात 🍤🥙🥭

मन आणि पोट 😊

भर तृप्तीची सुखात 🤩

मऊसूत घावणे,🫓

सोलकढी, मोदक, 🥥

आमरस, कैरीपन्हे 🥤🥭

शांतवाया उदक 😊

घर डुंबते असे  

हस्यकल्लोळात 😆

गप्पांचा फड 👨‍👩‍👧‍👦👨‍👩‍👧‍👧

रंगे हरएक रात 🌚

राहो अशीच अखंड 💞

घर, सवंगड्यांचीही साथ ❤️

जावो आयुष्य सर्वांचे 😊

असे सुखात, सुखात 😇

 डॉ. रुपाली कुलकर्णी,

  ट्रेनिंग हेड,

  SWS  

चित्रकाव्य: मनभावन !

 मनभावन .......

अथांग गहिऱ्या निळ्या अंबरी

साद घालीते कुणी अंतरी

इथेच सखया आसपास तू

उगा भासते या मनमंदिरी

गगन चुंबिते सुरूपर्णाला

किरण चुंबिती गिरीशिखराला

गौरकाय चंचल हिमगौरी

घट्ट बिलगली हिमालयाला

वृक्षराजी घनदाट शहारे

लपेटताती अभ्र पांढरे

ऊन सावली बर्फावरती

यमलगीत हे चंचल हसरे

थंड थंड ही हवा कापरी

स्पर्श हवासा उठती लहरी

तरंग कोमल नदीच्या गाली

नीलजलावरी मोरपिसापरी

वल्हविते मी होडी कामिनी

एकांती या धुंद मनमनी

सापडला मनी निसर्ग साजण

प्रतिबिंबित चित्राची मोहिनी

स्मिता देशपांडे

20/4/2021

मकर संक्रांति का त्योहार

 

ठंडी ठंडी हवाओं संग
मिटे अंतर्मन के द्वेष सब,
मकर राशि मे होता है
सूर्य देवता का प्रवेश जब।

 

गुड़ की डलियों की मिठास में
फिर घुलता सम्पूर्ण देश है,
प्रेम भाव बांट आपस में
खिलता हमारा परिवेश है।

 

हल्की-हल्की धूप साथ में
मीठी मीठी खुशियां लाये,
भीनी-भीनी तिल की खुशबू
घर आंगन सबका महकाये।

 

मूंगफली, गुड़ रेवड़ी संग
पंजाब लोहड़ी मनाता है,
दक्षिण भारत भी पोंगल मना
अपने हर ख्वाब सजाता है।

 

नीले नीले अम्बर में भी
बाहर पतंगों की छाती है,
तितली के रंगों सी मोहक
खुशियां भी अपार आती हैं।

 

दुर्विचारों का नाश करके
मन की सम्पूर्ण भ्रांति मिटे,
पुष्प की बगिया सी महकती
आपकी मकर संक्रांति दिखे।

 

जीवन में हम सबके आये
तरक्की के आयाम हजार,
दिल से मुबारक हो सभी को
मकर संक्रांति का त्योहार।

स्रोत : इंटरनेट 

 

कृष्णाकाठी सायंकाळ

 

कृष्णाकाठी सायंकाळ 

असेच येथे सोन पाऊली,

लाल किरमिजी ऊन पडे,

क्षितिजावरती असेच होते,

मावळतीचे  रंग सडे !

रविबिंबाच्या वळणावरती,

केशर शिंपीत उभे आकाश,

पश्चिमेकडे डोंगर माथी,

 असाच होता संधिप्रकाश !

मोहर होता आम्र तरूचा,

घम घम होता दरवळला,

निळसर डोंगर हिरवी राई,

परिसर सारा सळसळला !

मंदिर शिखरे कातर होती,

सांजवातीला घालीत साद,

घाट पायऱ्या घुमवित होत्या,

शिवालयातील घंटानाद !

शब्द तुझे मधु चिंब हासरे,

स्पर्श हवासा गोड नवा,

पाण्यावरी तू खडा टाकता,

थरथर उठली थंड हवा !

ओले पाऊल मनही ओले,

 मधुर कोवळी साथ खट्याळ,

आठवते रे सख्या आपुली,

कृष्णाकाठी सायंकाळ !!

- सौ. स्मिता देशपांडे

21/4/2021 

मिट्टी वाले दीये जलाना..अबकी बार दीवाली में !!

 

राष्ट्रहित का गला घोंटकर,

                     छेद न करना थाली में...

मिट्टी वाले दीये जलाना,

                    अबकी बार दीवाली में !

देश के धन को देश में रखना,

                      नहीं बहाना नाली में..

मिट्टी वाले दीये जलाना,

                   अबकी बार दीवाली में !

बने जो अपनी मिट्टी से, 

                  वो दिये बिकें बाज़ारों में...

छुपी है वैज्ञानिकता अपने,

                     सभी तीज़-त्यौहारों में !

चायनिज़ झालर से आकर्षित,

                     कीट-पतंगे आते हैं...

जबकि दीये में जलकर,

                बरसाती कीड़े मर जाते हैं !

कार्तिक दीप-दान से बदले,

                   पितृ-दोष खुशहाली में...

मिट्टी वाले दीये जलाना...

                 अबकी बार दीवाली में !

मिट्टी वाले दीये जलाना...

                 अबकी बार दीवाली में !

कार्तिक की अमावस वाली, 

                 रात न अबकी काली हो...

दीये बनाने वालों की भी,

                खुशियों भरी दीवाली हो !

अपने देश का पैसा जाये,

                अपने भाई की झोली में...

गया जो दुश्मन देश में पैसा,

                लगेगा रायफ़ल गोली में !

देश की सीमा रहे सुरक्षित,

               चूक न हो रखवाली में...

मिट्टी वाले दीये जलाना...

               अबकी बार दीवाली में !

मिट्टी वाले दीये जलाना..

             अबकी बार दीवाली में !

 

(स्रोत व्हाट्सअप )